若果要数香港人嘅必需品，除咗车，除咗楼，相信耳机都必定系其中之一。香港人有几钟意听歌应该都唔使多讲，无论系任何时间、任何场合，都总会见到有人塞住耳仔，享受音乐。不过香港人多车多，噪音几乎无处不在，想趁住一程车嘅时间听吓歌，歇一歇，难道系一个不可能的任务？非也非也，近年有唔少耳机厂商都同样考虑到呢一点，纷纷推出具备降噪功能嘅耳机，务求将环境噪音统统消除，畀一众用家好好沉浸于音乐之中。
若然大家已经厌倦咗听歌嘅同时夹杂住路人嘅讲嘢声、阿叔嘅收音机声、街边嘅车声，抑或想喺办公室专心工作，不如就趁新一年换过部高质啲，包含降噪功能嘅耳机，生活品质相信会大大提升！
不过提起降噪耳机，相信有唔少人第一时间应该都会谂起Apple Airpods Pro。其实除Airpods Pro以外，有一个牌子呼声同样好高，佢就系——索尼！
索尼可以话系市面上最早推出降噪耳机嘅品牌之一，最新嘅两款无线降噪耳机WH-1000XM3、WF-1000XM3自推出以嚟，一直都好评不断，深受一众真无线耳机用家嘅欢迎，其中WH-1000XM3，即系入耳式真无线耳机，甚至喺知名度颇高嘅外国网站“Android Authority”，取得读者最喜欢嘅无线耳机第一名。
两款耳机最可见嘅分别当然在于一款系入耳式(WF-1000XM3)，一款系耳罩式(WH-1000XM3)，而耳罩式嘅声场系会较入耳式大，就正如手提电脑同座台式电脑咁，因为入耳式体积较细，所以音质上未必可以做到耳罩式嘅效果。虽然有一定差距，不过两者都加咗数码音质提升技术 DSEE HX，亦即修复压缩档案时流失嘅高音域音效，所以基本上都可以做到降噪，而同时又减低音质受损及模糊嘅情况。
至于大家最关注嘅降噪功能，两部耳机都分别用到QN1及QN1e高清降噪处理器，当然唔系话一戴上就立即变成100%静音，不过绝对可以隔绝到大部分低频嘅交谈声、杂音等等。
而令小编最惊喜嘅功能，莫过于就系以手轻按耳机嘅表面，就可以快速切换成环境音模式，呢一点其实系非常有用，尤其系当你要同人讲野嘅时候，咁就毋须特地除低耳机。不过WH-1000XM3就会多咗气压优化技术及个人化降噪功能，若然大家经常都要飞，或者飞行途中想瞓个好觉，咁或者就用得着呢一个功能。
若然大家对音频嘅要求唔高，或者主要都系听流行乐为主，可以可以就住佩戴方式同价钱做选择。如果多数都系日常搭车系会听下歌，用入耳式耳机就会方便得多，而且降嗓同隔音方面相信都满足到大家要求。相反，若果系求音质表现，耳罩式耳机表现就会相对会较突出，不过就难啲带出街使用。
